Mapag Perang Barata

Salah sahiji bagian nu penting dina Mahabharata téh nyaéta basa Dorna mapatahan murid-muridna (Kurawa jeung Pandawa) ngécéng manuk. Murid nu séjén nyaritakeun naon nu katénjo ku maranéhna waktu keur ngécéng, salian ti hulu manuk anu kudu dipanah. Ngan Arjuna mah séjén deui téténjoanana téh.  Manéhna ukur nénjo hulu manuk wungkul, henteu nénjo deui nu séjénna.

Dina Mapag Perang Barata, Ahmad Bakri ogé nyaritakeun adegan antara Dorna jeung Prabu Drupada atawa Déwi Kunti jeung Karna (anak ti Batara Surya, rakana Pandawa) nu éstuning matak ngangres. Atuh pasipatan sawatara tokoh penting kulawarga Bhatara ditéték, kayaning: Drestarata, Sakuni, balad Kurawa, Déwi Kunti, Pandawa Lima, jeung nu séjénna.

Ku katapisan dina nulis, Ahmad Bakri bisa masieup Mapag Perang Barata jadi bacaan anu pikaresepeun. Témpona gancang, henteu aya bagian nu ngulibek matak bosen atawa kaleuleuwihi dina nyaritakeun hiji hal.

Judul: Mapag Perang Barata
Pangarang: Ahmad Bakri
Kandel buku: 64 kaca
Pangaos; Rp. 15.000,-

Hukuman Keur Raja Biadab

"Rahwana kula kapaksa ngaluarkeun Gunawijaya. Geura tungkul ka Hyang Agung, geura tanggah ka tempat pangbalikan sajati," tali gondéwa diwengkang. Piraku teu seubeuh manéh ngacak-ngacak dunya!" Gunawijaya dilepas. Jagat peteng dituturkeun sora kadia gunung bitu, marengan cahaya mancawura ka satungkebing langit. Barang mulang sabihari, Kunta gagaman Rahwana ilang musnah balik ka nu kagunganana, Hyang Jagatnata. Tutas ngancurkeun pakarang lawanna, Gunawijaya nyiriwik meulah angin, sarta teu kungsi lila kadéngé aya sora ngagoak. Sirah Rahwana sidik ngagelenceng, leupas tina janggana. 

Judul: Lalakon Batara Rama 3 
Pangarang: Hidayat Soesanto 
Kandel buku: 88 kaca
Pangaos buku: Rp. 20.000,- 

Saémbara di Mantili

Alun-alun munggah jempling. Saréréa nungguan naon nu bakal kajadian. Panon molotot, sungut calawak, sora ambekan tingharégak, marengan ratug angen tutunggulan. Naha ari nu dilalajoanana bet siga hayang ngaheureuyan. lain geura prak masang jamparing. Panangan palih kiwana henteu lesot tina gondéwa, sarta kalah rét... ka luhur, siga ngukur sakumaha jangkungna langit. Sanggeus kitu kakara jamparing diperenahkeun. Ti dinya mah belesur... biur.... kadia hujan badag, dibarengan guludug patéma-téma, sakur nu lalajo henteu kaampeuh ngabedahkeun galura haténa. Teu sangka, tapi taya nu teu bungah, saembara beunang ku satria terah Ayodyapata. 

Judul: Lalakon Batara Rama 
Pangarang: Hidayat Soesanto 
Kandel buku: 79 kaca
Pangaos: Rp.20.000,- 

Tragédi di Leuweung Dandaka

Lol sirah kaluar, cé-cé-cé Sunarya nincak hambalan tarajé turun. Remeng-remeng katingal Sunarya nangkeup cepuk. Ngan sakilat ... Sunarya geus ngajurahroh teu pupuguh. Suruntul Si Bedog Panjang kaluar ti kolong. Gabrug ngarontok cepuk nu lésot tina leungeun Sunarya, jarangkang hudang .... berengbeng lumpat. Barang Si Bedog Panjang ngaliwat ka hareupeun nu nyarumput, méh bareng ... jekuk Cécé numbuk pundukna, Yunus nyapu sukuna .... gebut tibeubeut. Batré jeung cepukna marecleng. Langsud-langsud Si Bedog Panjang rék ngarawél batré jeung cepuk. Tapi kapiheulaan, batréna dicokot ku Yunus cepukna dirontok ku Sunarya nu geus datang ngudag bareng jeung Wawan. Jarangkang Si Bedog Panjang hudang. Barang rék dipindo ku Cécé ... ngan berengbeng baé lumpat tipaparétot. Breng diarudag nepi ka sisi lembur. Judul: Si Bedog Panjang Pangarang: Ki Umbara Pangaos: Rp. 22.000,-

Si Bedog Panjang

Lol sirah kaluar, cé-cé-cé Sunarya nincak hambalan tarajé turun. Remeng-remeng katingal Sunarya nangkeup cepuk. Ngan sakilat ... Sunarya geus ngajurahroh teu pupuguh. Suruntul Si Bedog Panjang kaluar ti kolong. Gabrug ngarontok cepuk nu lésot tina leungeun Sunarya, jarangkang hudang .... berengbeng lumpat. Barang Si Bedog Panjang ngaliwat ka hareupeun nu nyarumput, méh bareng ... jekuk Cécé numbuk pundukna, Yunus nyapu sukuna .... gebut tibeubeut. Batré jeung cepukna marecleng. Langsud-langsud Si Bedog Panjang rék ngarawél batré jeung cepuk. Tapi kapiheulaan, batréna dicokot ku Yunus cepukna dirontok ku Sunarya nu geus datang ngudag bareng jeung Wawan. Jarangkang Si Bedog Panjang hudang. Barang rék dipindo ku Cécé ... ngan berengbeng baé lumpat tipaparétot. Breng diarudag nepi ka sisi lembur. 

Judul: Si Bedog Panjang 
Pangarang: Ki Umbara 
Pangaos: Rp. 22.000,-

Ma Inung Néwak Cahaya

Eulis muntang kana leungeun Ma Inung, pageuh tipepereket. Handapeun korsi tunggu Ma Inung nyidik-nyidik cahaya.

"Cika-cika ma?" cék Eulis.
"Lain" témbal Ma Inung.
Lumar Ma?"
"Lain"
"Emas ma?"
"Teuing"
Inten Ma?"
"Teuing"
Ma Inung niat nyokot hiji, tapi barang rék gep kacekel, cahaya siga nu ngabalicet, lir néwak laleur, lindeuk japati, cahaya oyag lalaunan, siga cahaya lampu katiup angin lalaunan, pindah tempat tuluy ngagateng deui. 

Kitu cutatan tina carpon "Ma Inung Néwak cahaya" salahsahiji carpon tina dua belas carpon yasana Mamat Sasmita. Hirup ukur nuturkeun indung suku jeung kerebekna sora beuteung nu kurang eusi. Ma Inung jeung Eulis, incuna, dumuk di setatsion karéta api. Da ngan didinya nu dianggap bisa nyumponan sangkan hirup terus lumangsung. Titingalian jeung wujudna nu ditingali can tangtu sarua, bisa jadi alatan pikiran nu keur ulin, kumalayang ka mana boa. eunteupna di mana boa. Carita kotemplasi nu matak narik kana ati.


Judul Buku: Ma inung Newak Cahaya
Pangarang: Mamat Sasmita
Kandel Buku: 107 Kaca
Pangaos: Rp. 27.000,-

Babu Kajajadén

Urang sebut baé bangkarak ieu karangan téh. Lantaran taun 1932 kungsi jadi implik-implik Sipatahoenan. Leunjeuran caritana mah nepi ka ayeuna ogé angger, saciptaan asal. Ukur daérah sautak-saeutik, ngagambarkeun kaayaan jaman panjajahan.

Sambunglayang nu dimuat dina koran AID Bandung,koran basa Walanda, néangan pibabueun keur ngasuh anakna nu jadi pangkal caritana téh. Ku kituna, kaharti samangsa nu ditéangan atuh ngalamarna ogé, moal asal pibabueun nu sacéréwéléna datang ti lembur néangan pagawéan.

Keur kolot nu ngalaman jaman harita, bakal pogot macana, bari mulangkeun panineungan. Keur nonoman ayeuna, baris resep da kagambarkeun hirup jeung carana jaman harita. 

Judul: Babu Kajajadén
Pangarang: Syarif Amin
Kandel buku: 70 kaca
Pangaos: Rp. 18.000,-